Cynghrair Niwrolegol Cymru

Cynghrair Niwrolegol Cymru

Cyswllt: Buddug Williams, Ysgrifennydd, Grwp Buddiannau Geneteg Parc Geneteg Cymru, Medicentre, Caerdydd CF14 4UJ Ffon 029 20 68 2140 Facs 029 20 68 2141 Email:williamsbg@Cardiff.ac.uk

Cylch Gorchwyl:

Y mae Cynghrair Niwrolegol Cymru yn fforwm cydweithredol o amrywiaeth eang o elusennau niwrolegol. Drwy gydweithio â’i gilydd mae aelodau’r Gynghrair yn anelu at y safonau uchaf o wasanaeth a gofal ar gyfer y plant, y bobl ifanc a’r oedolion sydd â chyflwr niwrolegol yng Nghymru, eu teuluoedd a’u gofalwyr.

Ein hamcanion yw i:

Hybu ymwybyddiaeth o gyflyrau niwrolegol a’u heffaith ar unigolion a chymdeithas.
Ysbrydoli a dylanwadu ar wneuthurwyr polisi yng Nghymru ynghylch anghenion pobl sydd â chyflyrau niwrolegol.
Sicrhau gwell gwasanaethau a gofal i’r bobl sy’n byw yng Nghymru â chyflyrau niwrolegol.
Hyrwyddo rhannu gwybodaeth am gyflyrau niwrolegol.
Cefnogi a hyrwyddo gwaith ymchwiliol addas.

Ein hegwyddorion yw i:

Sicrhau fod gan bobl well mynediad i wasanaethau diagnostig arbenigol.
Sicrhau fod yna fynediad o ansawdd i driniaeth leol, cefnogaeth, gofal a seibiant.
Gwella caffaeledd gwybodaeth, cyngor a gwasanaethau ar lefel leol.
Hyrwyddo ffordd glir o gasglu data am gyffredinrwydd cyflyrau niwrolegol yng Nghymru.
Cefnogi datblygiadau ymysg archwiliadau a gwaith ymchwil.

Yr ydym yn bryderus iawn ynghylch:

Y ffaith na roddir blaenoriaeth i geisio taclo anghenion y grwp mawr ac amrywiol o bobl sydd â chyflyrau niwrolegol.
Yr angen am safonau gofal cenedlaethol derbyniol.
Diffyg cydweithrediad rhwng ysbytai a gwasanaethau cymunedol, iechyd a gofal cymdeithasol, cymdeithasau o’r sector statudol a gwirfoddol.
Hybu ymwybyddiaeth ymysg iechyd, gofal cymdeithasol a phroffesiynwyr eraill am effaith gorfforol, cymdeithasol a seicolegol cyflyrau niwrolegol.
Sicrhau bod y rhai a effeithiwyd arnynt yn cael mynegi eu barn ar reolaeth eu cyflwr. [Gorffennaf 2004]

Maniffesto